Krydd í tilveruna með Lólý.

Þetta er uppskrift sem ég var bara löngu búin að gleyma þangað til að ég var að gramsa í uppskriftabókinni minni um daginn. Og þess vegna langaði mig að deila þessu með ykkur. Hún er afar einföld í framkvæmd en kjúklingabringurnar verða svo mikið djúsí og góðar.

4 kjúklingabringur
1/2 bolli rasp
50 gr rifinn parmesan ostur
1 tsk timían
salt og pipar eftir smekk
1/2 dós sýrður rjómi
2 msk majónes
1 msk dijon sinnep

Blanda saman í skál raspi, parmesan og kryddi. Í annarri skál blanda saman sýrðum rjóma, majónesi og dijon sinnepi. Setjið kjúklingabringurnar í eldfast mót, smyrjið þær með sýrða rjóma blöndunni á báðum hliðum. Dreifið rasp blöndunni yfir bringurnar á báðum hliðum líka. Setjið í forhitaðan ofninn 190°C og eldið í 45 mínútur.

Ég ber þetta fram með góðu salati, hvítlaukssósu og kartöflum sem ég velti upp úr ólífuolíu og krydda með salti piðar og fersku rósmarín.