sitronukaka1

Sítrónukaka

2 September , 2013

Þessi sítrónukaka hefur sko alveg slegið rækilega í gegn – alveg sama hvar eða fyrir hverja ég baka hana. Hún er svo mjúk og góð og einföld að baka og ekki skemmir fyrir að hafa gott glassúr á henni…….nammi namm ég mana ykkur til að prófa hana
Hér er þessi ljúffenga uppskrift

2 1/2 dl hveiti
1 tsk lyftiduft
1 tsk matarsódi
3 egg
1 1/2 dl sykur
3 msk mjúkt smjör
1 tsk vanilludropar
2 tsk sítrónudropar
1/2 dl sítrónusafi úr ferskri sítrónu
1 dl olía
sítrónubörkur af einn sítrónu
100 gr möndlur smátt saxaðar (má sleppa)

Glassúr
2 dl flórsykur
3 msk mjólk
1 tsk sítrónusafi

Forhitið ofninn í 175°C.
Setjið saman í skál egg,sykur,smjör, dropum og sítrónusafa ásamt sítrónuberki og hrærið vel saman. Blandið saman þurrefnum í aðra skál og blandið svo saman við eggjablönduna og hrærið vel saman. Bætið síðan olíunni út í og að lokum möndlunum.  Þið getið auðvitað sleppt möndlunum ef þið eruð ekki fyrir þær eða ef einhver er með ofnæmi.
Smyrjið fromkökuform og hellið deiginu í og bakið í 40 mínútur – þetta getur samt verið mismunandi eftir ofnum svo að það er alltaf gott að stinga í kökuna og athuga hvort hún er bökuð í gegn.

Þegar kakan er tilbúin og orðin köld þá er gott að hræra saman í glassúrið og hella yfir kökuna. Síðan stráði ég smá sítrónuberki yfir – en það er bara svo fallegt.